Si Langgam at si Tipaklong Michael G. Gonzales Maganda ang panahon. Mainit ang sikat ng araw. Maaga pa lamang ay gising na si Langgam. Nagluto na siya at kumain. Pagkatapos ay lumakad na siya upang maghanap ng pagkain. Isang butil na bigas ang nakita niya. Pinasan niya ito at dinala sa kanyang bahay. Nakita siya ni Tipaklong. "Magandang umaga kaibigang langgam, bati ni Tipaklong. Kay bigat ng iyong dala. Bakit ba wala ka nang ginawa kundi maghanap at mag-ipon ng pagkain?" "Oo nga, nag-ipon ako ng pagkain habang maganda ang panahon," sagot ni Langgam. "Tumulad ka sa akin, kaibigang Langgam, wika ni Tipaklong. Habang maganda ang panahon, tayo ay magsaya. Halika, tayo ay lumukso, tayo ay kumanta." "Ikaw na lang, kaibigang tipaklong sagot ni Langgam. Gaya nang sinabi ko sa iyo, habang maganda ang panahon, ako ay maghahanap ng pagkain. Ito'y aking lipunin para ako ay may makain, pagsumama ang panahon." Lumipas ang maraming araw, dumating ang tag-ulan. Ulan sa umaga, ulan sa hapon at sa gabi ay umuulan pa rin. Dumating ang panahong kumidlat, kumulog at lumalakas ang hangin kasabay ang pagbuhos ng malakas na ulan. Ginaw na ginaw at gutom na gutom ang kawawang si Tipaklong. Naalala niyang puntahan ang kaibigang si Langgam. Paglipas ng bagyo, pinilit ni Tipaklong na marating ang bahay ni Langgam. Bahagya na siyang makalukso. Wala na ang dating sigla ng masayahing si Tipaklong. Tok! Tok! Tok! Bumukas ang pinto. "Aba, ang aking kaibigan, wika ni Langgam, tuloy ka. Halika at umupo ka." Binigyan ni Langgam ng tuyong damit si Tipaklong. Saka mabilis na naghanda siya ng pagkain. Ilan pang sandali at magkasalong kumain ng mainit na pagkain ang magkaibigan. "Salamat kaibigang Langgam, wika ni Tipaklong. Ngayon ako naniwala sa iyo na kailangan nga palang mag-ipon habang maganda ang panahon at nang may makain pagdating ng taggutom." Mula noon, nagbago na si Tipaklong. Pagdating ng tag-init at habang maganda ang panahon ay kasama na siya ng kanyang kaibigang si Langgam. Natuto siyang gumawa at mag-impok. Paano nagsimula ang kuwento? Sino ang pangunahing tauhan sa kuwentong iyong binasa? Paano tinugon ni Langgam ang hiling ni Tipaklong? Bakit giniginaw at nagugutom si Tipaklong? Bakit hindi dapat tularan si Tipaklong?1.paano nag simula ang kuwento? 2.sino ang tauhan sa kuwentong iyong binasa?3.paano tinugon ni Langgam ang hiking ni tipaklong?4.Bakit gininaw at nagugutom si tipaklong 5.bakit hindi dapat tularan si tipaklong
Answer (1)
Nagsimula ang kuwento sa maganda at maaraw na panahon kung saan maagang gumising si Langgam upang maghanap ng pagkain.Ang pangunahing tauhan ay sina Langgam at Tipaklong.Tinanggihan ni Langgam ang paanyaya ni Tipaklong na magsaya. Sa halip, ipinagpatuloy niya ang pag-iipon ng pagkain bilang paghahanda sa tag-ulan.Giniginaw at nagugutom si Tipaklong dahil dumating ang tag-ulan at wala siyang naipon na pagkain o masisilungan.Hindi dapat tularan si Tipaklong dahil naging pabaya siya, mas pinili ang kasayahan kaysa ang paghandaan ang kinabukasan.
