Ano ang papel ng integumentary system sa kalusugan ng buong katawan?
Answer (1)
Ang integumentary system ay binubuo ng balat, buhok, kuko, at mga glandula (sebaceous at sweat glands). Maaaring mukhang simpleng panlabas na bahagi lamang ito ng katawan, ngunit ito ay may napakahalagang papel sa proteksyon, regulasyon, at pakiramdam (sensation).Ang balat ang unang linya ng depensa laban sa mikrobyo, virus, at iba pang mapaminsalang sangkap mula sa labas. Ang epidermis, o panlabas na bahagi ng balat, ay may mga patay na selula na nagsisilbing harang upang hindi makapasok ang mga mikroorganismo. Kasama nito, ang sebum na likha ng sebaceous glands ay tumutulong upang mapanatiling moist at medyo acidic ang balat hindi kanais-nais para sa bakterya.Ang dermis, ang gitnang bahagi ng balat, ay naglalaman ng mga nerve endings na nagbibigay ng kakayahang makaramdam ng haplos, init, lamig, at sakit. Mahalaga ito sa ating kaligtasan. Halimbawa, kung makaramdam tayo ng init mula sa kalan, agad tayong aatras upang maiwasan ang pagkapaso.Bukod sa proteksyon at sensation, tumutulong din ang balat sa thermoregulation. Kapag mainit ang panahon, ang katawan ay nagpapawis. Ang evaporation ng pawis sa balat ay nakakatulong pababain ang temperatura ng katawan. Kapag malamig, kumikipot ang blood vessels sa balat upang mapanatili ang init.Gumagawa rin ang balat ng Vitamin D sa tulong ng araw, na mahalaga sa kalusugan ng buto at immune system.Kapag hindi inalagaan ang balat halimbawa, labis na pagbibilad sa araw, sobrang paggamit ng kemikal, o kakulangan sa tubig, maaaring magkaroon ng mga kondisyon gaya ng sunburn, acne, eczema, o impeksyon.
