1. Si Ellaine ay nahirapan sa kanyang pag-aaral at gusto na niyang sumuko. Ngunit sa tulong ng dasal at suporta ng kanyang pamilya, nakaramdam siya ng lakas ng loob. Kung ikaw si Ellaine, paano mo ipapakita ang pananampalataya sa kabila ng iyong pinagdadaanan? 2. Tuwing gabi, ang pamilya ni Jomar ay sabay-sabay na nagdadasal. Ngunit minsan ay tinatamad siya at gusto na lang maglaro sa cellphone. Kung ikaw si Jomar, ano ang pipiliin mong gawin at bakit? 3. Nagkaroon ng matinding problema sa pamilya nina Tricia. Sa halip na magtulungan. nagkasalungat pa ang bawat isa. Paano mo maipapayo kay Tricia ang kahalagahan ng pananampalataya sa pagharap ng problema sa pamilya? 4. Tuwing Linggo, imbes na magsimba, ang pamilya ni Kevin ay namamasyal sa parke. Kung ikaw ay kaibigan ni Kevin, paano mo maipapaliwanag ang kahalagahan ng pananampalataya sa pamilyang Pilipino? 5. Nag-aalok ng tulong sa mga nasalanta ang inyong simbahan. Iniimbitahan kang sumama kasama ang iyong pamilya. Paano mo mapapakita ang pananampalataya sa pamamagitan ng pagtulong sa kapwa?
Answer (2)
1. Kung ako si Ellaine, ipapakita ko ang pananampalataya sa pamamagitan ng hindi pagsuko, patuloy na pagdarasal, at pagtitiwala na may plano ang Diyos para sa akin. Sasabihin ko sa sarili ko na ang hirap ngayon ay pansamantala lang at may dahilan kung bakit ko ito pinagdadaanan.2. Kung ako si Jomar, pipiliin ko pa ring makisama sa pagdarasal ng pamilya. Mahalaga ito para mapalalim ang ugnayan namin sa Diyos at sa isa’t isa. Ang laro ay pansamantala, pero ang panalangin ay nagpapalakas ng ating pananampalataya.3. Maipapayo ko kay Tricia na sa panahon ng problema, mas kailangan ng pagkakaisa at panalangin. Ang pananampalataya ay nagbibigay ng pag-asa, pagtitiis, at paggabay upang muling magkabati ang pamilya. Sabihin niya sa kanyang pamilya na manalangin muna bago magdesisyon o magsalita.4. Sasabihin ko kay Kevin na ang pagsisimba ay pagpapakita ng pagpapahalaga sa Diyos. Maaari naman silang mamasyal pagkatapos magsimba. Ang pananampalataya ay bahagi ng kultura ng mga Pilipino at ito ang nagpapatibay sa pamilyang sama-samang nananalig.5. Mapapakita ko ang pananampalataya sa pagtulong sa kapwa sa pamamagitan ng pagsama sa simbahan. Ang pagtulong ay hindi lang kabutihan kundi pagsunod sa utos ng Diyos na mahalin ang kapwa. Ipaparamdam natin sa mga nasalanta na hindi sila nag-iisa.
