Ano ang kailangang score para makapasa sa LTO written exam?
Answer (1)
Ang passing score sa pagsúsulit ng Land Transportation Office (LTO) ay nakadepende sa klase ng lisensya na nais mong kunin. Para sa mga kukuha ng Non-Professional Driver’s License, kailangan mong makakuha ng hindi bababa sa 30 tamang sagot mula sa 40 tanong. Para naman sa Professional Driver’s License, mayroong 60 tanong, at kailangang makakuha ng hindi bababa sa 45 tamang sagot.Ibig sabihin, dapat mong maintindihan ang mga traffic signs, marka sa kalsada, tamang asal sa pagmamaneho, mga parusa sa paglabag, batas sa parking, at iba pang kaalaman tungkol sa trapiko. Layunin ng pagsúsulit na matiyak na ang bawat driver ay may sapat na kaalaman sa batas trapiko upang makaiwas sa aksidente at maging responsableng motorista.Ang written exam ay hindi lamang pormalidad. Ito ay mahalaga upang masukat ang iyong kaalaman at kahandaan sa pagmamaneho. Kapag hindi mo naabot ang passing score, kailangan mong maghintay ng isang buwan bago ka makakuha muli ng exam. Kapag bumagsak muli sa ikalawang pagkakataon, isang taon ang hihintayin. Kapag ikatlong beses kang bumagsak, dalawang taon ka nang hindi puwedeng kumuha muli.Kaya napakahalagang mag-review muna. Basahin at unawain ang mga palatandaan sa kalsada, mga batas trapiko, at mga tamang gawi sa pagmamaneho. Hindi sapat ang marunong magmaneho lamang—dapat alam mo rin ang batas para sa kaligtasan ng lahat sa daan.
