Ano ang ibig sabihin ng producer surplus?
Answer (2)
Ang producer surplus ay ang kita ng prodyuser na natanggap niya higit pa sa minimum na presyo na kaya niyang tanggapin para sa kanyang produkto. Isa itong sukatan kung gaano kakita ang isang negosyo.Halimbawa ay kung ang isang magsasaka sa Tarlac ay handang ibenta ang sako ng bigas sa halagang ₱1,000 pero nabenta niya ito sa halagang ₱1,400, may producer surplus siyang ₱400.
Ang producer surplus ay ang tubo o kita ng isang producer na lampas sa pinakamababang halaga na handa siyang tanggapin para sa isang produkto.Kung handa ang isang tindero na ibenta ang produkto sa halagang ₱50, pero nabenta niya ito sa ₱80, ang producer surplus ay ₱30. Ito ang diperensiya sa pagitan ng kung magkano ang gusto niyang kita at kung magkano talaga ang kinita niya.Ito ay sukatan ng benepisyo o tubo ng mga producer sa isang transaksyon.
