Planong may kinalaman sa pagpapa unlad ng pamilya
Answer (1)
Planong may kinalaman sa pagpapaunlad ng pamilya:1. Pagpaplano sa budget. Ang pagkakaroon ng organisado na plano para sa paghawak ng pera ay mahalaga upang masapatan ang pangangailangan ng pamilya. Kasama rito ay kung paano hahatiin ang pagkakasyahin ang nakatakdang kita nang hindi kinakapos o maiwasan ang sobrang paggasta at di-kinakailangang pagkakautang.2. Edukasyon ng mga anak. Kailangang magkaroon ng konkretong plano ang mga magulang patungkol sa edukasyon ng mga anak. Halimbawa, kasama rito ay ang pag-usapan kung magkano ang baon na dapat nilang ibigay sa mga anak, kung paano mas makakatipid, kurso na praktikal at gusto ng anak, at kung itutuloy pa ba nito ang pagpasok sa kolehiyo pagkatapos kumpletuhin ang Senior High School. Anuman ang pasya ng mga magulang, dapat na masiguro nilang makukuha ng kanilang anak ang kalidad ng edukasyon na makakatulong rito sa paghahanap ng praktikal at maayos na career sa hinaharap.3. Pagpapalago ng kabuhayan. Kung minsan, hindi sapat ang kinikita ng mga magulang para tugunan ang pangangailangan ng pamilya. Ang pagkakaroon plano tungkol sa pagtatayo ng negosyo o dagdag-kita ay makakatulong para sa mas maalwan at praktikal na pamumuhay.4. Paglalaan ng oras sa pamilya. Isang pundasyon ng masayang pamilya ay ang pagkakaroon ng matibay at malapit na ugnayan sa bawat isa. Kaya naman maglaan ng oras para palalimin ang samahan at pag-ibig sa loob ng sambahayan.5. Kalusugan – kailangang tiyakin ng pamilya ang kalusugan ng bawat isa sa pamamagitan ng pagsasaayos schedule at budget para sa regular na check-up at tamang nutrisyon. Makakatulong ito upang mas maging malusog ang bawat isa, maiwasan ang pagkakasakit, at maagapan ang mga senyales na maaaring humantong sa mga malala at walang-lunas na mga kondisyon.
