pahingi Ng Isang sasalaysay ng kwentong Ang Alamat ng Rosas
Answer (1)
Answer:Noong unang panahon, sa isang maliit na bayan sa Tarlac, may isang magandang dalaga na nagngangalang Rosa. Bukod sa kanyang kagandahan, kilala rin si Rosa sa kanyang matapat na pag-ibig. Nakatakda nang ikasal si Rosa sa kanyang minamahal na si Mario, ngunit nalaman nilang may malubhang sakit si Mario. Sa kabila ng lahat, pinili ni Rosa na ituloy ang kanilang kasal upang mapaglingkuran si Mario hanggang sa huling sandali ng kanyang buhay. Ngunit tumanggi si Mario. Aniya, sapat na sa kanya ang pag-ibig ni Rosa upang dalhin niya ito sa kabilang buhay. Pinaglingkuran ni Rosa si Mario nang buong puso. Hindi siya umalis sa tabi nito. Ang kanyang ngiti ang unang nakikita ni Mario sa pagmulat ng kanyang mga mata, at ang kanyang ngiti rin ang huling nakikita nito bago makatulog. Nang mamatay si Mario, hindi nawala ang ngiti ni Rosa. Patuloy siyang bumibisita sa puntod ni Mario, at laging nakangiti. Nang tanungin kung bakit hindi nawala ang ngiti sa kanyang mga labi, sinabi niya, "Alam kong nasaan man si Mario, ako lang ang babaeng minahal niya. At alam ko rin na maghihintay siya sa akin upang magkasama na kami magpakailanman." Naging inspirasyon ang kwento ni Rosa sa iba, at naging simbolo siya ng tunay na pag-ibig. Nang mamatay si Rosa, hiniling niyang ilibing siya sa tabi ng puntod ni Mario. Pagkaraan ng ilang panahon, may tumubong halaman sa puntod ni Rosa. Ang mga bulaklak nito ay napakaganda, at tinawag itong "rosas" bilang alaala sa isang dalaga na simbolo ng tunay na pag-ibig.
